Chadte suraj ki nayi dastaan...

Kya hua agar hum gire the,
Gir ke uthna hai humne seekha,
Kya hua agar waqt bura tha,
Uska samna kar ke aage badhna hai humne seekha...

Yeh zindagi hume bahaut kuch sikhati hai,
Aage badne ki sehenshakti dilati hai,
Jo bhi padaav aage aane ko hai,
Unhe paar karne ka rasta bhi hume dikhati hai...

Main kaha thi itni pehle pareshaan,
Zindagi se naraaz nahi, thi main hairaan,
Ab meri soch ki hai kuch alag hi pehchaan,
Jaise naye chadte suraj ki nayi dastaan...

Har subha ab lagti hai thodi meethi,
Har shyaam main hai ab ek jaam,
Apni soch badal ke meri nazaron se dekho,
Aur na poocho humrari zindagi ka kya hoga anjaam...

Jaan ke kya haasil kar loge,
Na jaan-ne main hai ek alag mazaa,
Zindagi ka har ek jiya hua kissa,
Banjata hai humari kahaniyon ka ek mehetvapoorn hissa...

Badi daer baad aaj dil lagta hai halka,
Thodi si khushi main hi hai uchalta, machalta,
Chand logo ki wajeh se aaj mera mann aur dil hai aisa,
Jinke bagaer, shayad hota murjhaye hue phool jaisa...

Aage kya hoga, kya koi jaane,
Aaj main jeene ki li hai zid maine thaan,
Upar waale pe hai mujhe poora bharosa,
Ki aage zindagi se na hungi main pareshaan! :)